बेथानमा बौद्धगुरु द्वारा मेडिकल स्थापना

रामेछाप/बेथान!
जेष्ठ ८-२०७३ / शान्तिका अग्रदुत गौतम बुद्धको २५६०औं जन्म जयन्तीको अवसरमा।
                             
सुनपति भ्वाँसा च्यारिटी मेडिकल सेन्टर पा.लि.को समुद्धाटन शनिबार बेथान ८ भ्वाँसा, रामेछापमा सम्पन्न भएको छ। मेडिकलको उद्धाटन नेपाली कांग्रेसका महामन्त्री,मनोचिकित्सक डा.शसाङ्का कोइरालाले गरेको थियो। कार्यक्रममा विभिन्न राजनीतिक दलका नेताहरूले पनि।उपस्थिति जनाएको थिए।धर्मगुरु ङवाङ पाल्देन तामाङ (विमान) ज्यु,२२ वर्षसम्म भारतमा बौद्ध शिक्षा अध्ययन गरेर घर फर्किनु भएको।थियो।

एकदिन उहाँको आमा बिरामी भएपछि आमालाई उपचारको लागि काठमाडौं ल्याउदै गर्दा बिचबाटोमा नै मृत्यु भएको थियो।नजिकै हस्पिटल अथवा मेडिकल नभएकै कारण आफ्नो जन्मदिने आमालाई बचाउन नसके पछि त्यस गाउँमा मेडिकल निर्माण गरेका उहाँले बताउनु भयो । मेडिकल आमाकै सम्झनामा बनाउने भनेर घरमा सल्लाह गरेपछि बुबा धनसिंह तामाङले पनि साथ दिनुभएको थियो। त्यसपछि आफ्नै जग्गामा मेडिकल निर्माण गरेको हो।

मेडिकल निर्माण भएपछि रामेछाप जिल्ला,हिलेदेबी,बेथान र गुन्सिभदैरे लगायतका स्थानीयहरुलाई सहज हुने भएको छ।
उक्त मेडिकल निर्माण गर्न युकेका आनि लोब्साङ खाण्डोले सात हजार पाउण्ड र अन्य सबै खर्च धर्मगुरु ङवाङ पाल्देन तामाङ ज्युले ब्यक्तिगत रूपमा बेहोर्नु भएको हो। २५६०औं बुद्ध जयन्तीको अवसर पारेर गरेको उक्त कार्यक्रममा करिब आठ सय जनाको स्वास्थ जाँच गरेका छन।स्वास्थ परिक्षणका लागि वीर,समित र तामाकोशी लगायत हस्पिटलहरुका करिव ४० जना डाक्टरहरु पुगेका थिए।

१८ बेटको उक्त मेडिकलमा स्त्रीरोग,अँखा,दाँत  र हाडजोर्नी लगायतका विभिन्न समस्या बोकेर मन्थली, नेपालथोक,लुभु,हिलेदेवी,गुन्सिभदौरे,बेथान लगायतका स्थानीयहरु उपस्थित रहेको थिए। परिक्षणको।क्रममा १६ जनालाई मोतिविन्दु भएको पाइएको साथै २६ जनालाई चस्मा दिइएको थियो।
अँखा जाँच  गराउनेको सङ्ख्या १७५ जना रहेको जनाएको।छ। भने ७६ जनाको दाँत जाँच गरिएको थियो। पाठेघर,गर्भवति साथै यौन रोगसमेतको विशेष जाँच गर्दै औषधि समेत वितरण गरिएको डा.सुमन आचार्यले बताएका छन।हाडजोर्नी र नाक कान सम्बन्धि परिक्षण तथा भिडियो एक्सरे समेत गरिएको छ।

धर्मगुरु गेसे ङवाङ पाल्देनको अध्यक्षतामा औपचारिक कार्यक्रमका साथ उद्धाटन गरिएको थियो भने टेक घिसिङ लगायतका कलाकारको सहभागीतामा सांस्कृतिक कार्यक्रम समेत भएको थियो।


          तामाङ बौद्ध महासंघ मलेसिया परिवार !!!