ऐतिहासिक अन्तरास्ट्रिय बौद्ध सम्मेलन को तयारी

काठमाडौं,बैशाख २९ गते । यस वर्षको बुद्धजयन्तीका अबसरमा पहिलोपटक हुन लागेको अन्तरास्ट्रिय बौद्ध सम्मेलनको तयारी अन्तिम चरणमा पुगेको छ ।
यसअघि बुद्ध जयन्तीको अबसरमा विभिन्न सम्मेलनको आयोजना गरेको भए पनि मुलुकको कार्यकारी प्रमुखको अध्यक्षतामा बौद्ध धर्मसम्बन्धी अन्तरास्ट्रिय प्रतिनिधि र ख्यातिप्राप्त ब्यक्ति नेपालमा बोलाएर ऐतिहासिक सम्मेलन गर्न लागेको यो पहिलो हो।

सरकारले आगामी जेठ ६ र ७ गते अन्तरास्ट्रिय बौद्ध सम्मेलन काठमाडौंमा गर्न गत वर्षदेखि तयारी प्रारम्भ गरेका थियो। सम्मेलनमा रास्ट्रय तथा अन्तरास्ट्रियस्तरका बुद्धधर्म र बुद्ध दर्शनसम्बन्धी नेपाली प्राज्ञिक ब्याक्तित्व,अनुसन्धानकर्ता १८ र बिदेशी ६ वटा गति २४ कार्यपत्र प्रस्तुत हुनेछ।

आगामी जेठ ८ गते २५६० औं बुद्ध जयन्ती लुम्बिनीमा मनाउने तयारी गरेका छ । सो अबसरमा बौद्ध सम्मेलनका लागि देश बिदेशबाट आएका बिशिष्ठ ब्यक्ति र प्राज्ञको उपस्तिथिमा लुम्बिनीमा बौद्ध परम्पराअनुसार विभिन्न धार्मिक अनुष्ठानसहित धुमधामका साथ बुद्ध जयन्ती मनाउने तय भएको छ ।

सम्मेलनका लागि "लुम्बिनी नेपाल: भगवान बुद्धको जन्मस्थाल तथा बुद्ध दर्शनको उग्दन भुमी" भन्ने नारा तय गरिएको छ ।

मन्त्रीपरिषदको गत माघ २० गतेको निर्णय अनुसार प्रधानमन्त्री केपि शर्मा ओलिको अध्यक्षतामा ५०१ सदस्यीय मुल समारोह समिति गठन भएको थियो,सम्मेलन मुल आयोजक संस्कृती,पर्यटन तथा नागरिक उड्डयन मन्त्रालय रहेको छ।

मन्त्री आनन्दप्रसाद पोखरेलको अध्यक्षतामा १०१ सदस्यीय कार्यसमिति गठन भएको छ। सम्मेलन सफल पार्न विभिन्न विषयगत १३ वटा उपसमिति निर्माण गरिएको छ।

सम्मेलन मुल आयोजक समारोह समितिका अध्यक्षसमेत रहनुभएका प्रधानमन्त्री केपि शर्मा ओलिले सिद्धार्थ गौतम बुद्धप्रतीको न्याय, बुद्ध सम्बन्धि भ्रम चिर्ने सम्मेलनको मुख्य उदेश्य रहेको उद्धोष गरिसक्नुभएको छ ।

बुद्ध नेपाल बाहिर जन्मिएको भन्ने भ्रमपुर्ण प्रकाशन अझै केही देशमा पाइने सन्दर्भमा यो सम्मेलनले बुद्ध नेपाल मै जन्मेको हुन भन्ने सन्देश फैलाउनेछ । मन्त्री पोखरेलले परराष्ट्र मन्त्रालय मार्फत बुद्ध नेपालमा नभई अन्य देशमा जन्मिएको भन्ने पुस्तक बाट सच्याउन पहल भइरहेको बताउनु भयो।

सो क्रममा दक्षिण कोरियाले आफ्नो सम्पुर्ण पुस्तकबाट गौतम बुद्ध भारतमा नभई नेपालमा जन्मिएको भनेर सच्याइसकेको जानकारी आएको छ । भने अन्य देशले पनि आफुहरुले सो गम्भीर त्रुटि सच्याउने जनाएका छन।

मन्त्री पोखरेल सम्मेलनले सिद्धार्थ गौतम बुद्धको जन्म र कर्म थलो नेपाल नै भएको र बाँकी अन्य ठाउमा गएर गरेको क्रियाकलाप वा लिला मात्रै हुन भने सम्मेलनले प्रमाणित गर्ने बताउनु हुन्छ।

चिनियाँ रास्ट्रपति र भारतका प्रधानमन्त्रीलाई निमन्त्रणा सम्मेलनका लागि चिनियाँ रास्ट्रपति सि जिनपिङ, भारतीय प्रधानमन्त्री नरेन्द्र मोदि, दक्षिण कोरियाका रास्ट्रपति पार्क गेउन हाई, संयुक्त राष्ट्रसंघ का महासचिव वान कि मुनलाई सरकारले निमन्त्रणा गरिसकेको छ ।

त्यस्तै,श्रीलंकाका प्रधानमन्त्री नरिल विक्रमेसिङ्घे भारतको बिहार मुख्यमन्त्री नितीश कुमार,उत्तर प्रदेशका मुख्यमन्त्री अखिलेश यादव,पश्चिम बङ्गालको मुख्यमन्त्री ममता बनर्जी, त्रिपूराको मुख्यमन्त्री मानिक सरकार, सिक्किमका मुख्यमन्त्री पवन चाम्लिङ लाई निमन्त्रणा गरीएको छ ।

साथै १३ देशका सन्कृती, तथा धार्मिक मामिला मन्त्री लाई निमन्त्रणा गरिएको छ।
श्रीलंका, म्यान्मार ,थाइल्यान्ड ,भारत ,भुटान ,दक्षिण कोरिया ,लाओस ,मङ्गोलिया र इजरायलका सम्बन्धित मन्त्रीलाई निमन्त्रणा गएको छ ।

त्यसतै, बौद्ध धर्मसम्बन्धी २३ देशका संघसंस्था नेपाल आउँदै छन। संयुक्त राज्य अमेरिका,बेलायत,श्रीलंका,म्यान्मार,थाइल्यान्ड,भारत,चीन,
भियतनाम,कम्बोडिया,जापान,भुटान,दक्षिण कोरिया,लाओस,मङ्गोलिया,सिङ्गापुर,इन्डोनेशिया,मलेसिया,
बाङ्लादेश,रुस,जर्मनी,फ्रान्स,अस्ट्रेलिया,क्यानडा रहेका छन।

सम्मेलनका लागि हालसम्म २१ देशका ९२ सरकारीस्तर र अन्य प्रतिनिधिको सहभागीता हुने तय भइसकेको सम्मेलन मुल आयोजक समारोह समितिका सदस्य-सचिव बच्चुनारायण श्रेष्ठले जानकारी दिनुभयो । रासस