२५६०औं बुद्ध जयन्ती २०७३ मलेसियामा संयुक्तरुपमा मनाइदै

                तामाङ बौद्ध महासंघ मलेसिया

२५६०औं भगवान गौतम बुद्धको जन्म जयन्ती संयुक्तरुपमा मे 21 तारीख सनिवार को दिन भब्यता का साथमा मनाइदै।
उक्त कार्यक्रम नेपाल आदिवासी जनजाति महासंघ मलेसियाको आयोजक मा रहेको छ भने
सह आयोजक मा:-
१)तामाङ बौद्ध महासंघ मलेसिया
२)शेर्पा किदुग मलेसिया
३)प्रबासी तामाङ एकता समाज मलेसिया
४)नेपाल मगर संघ मलेसिया
५)तमु समाज मलेसिया
६)गैर आबसिय नेपाली संघ मलेसिया
७)सुनुवार सेवा समाज मलेसिया
८)नेपाल प्रबासी सितोरियो कराते संघ मलेसिया

तसर्थ मलेसियामा रहनु हुने सम्पुर्ण नेपाली दाज्यु भाइ तथा दिदिबहिनी हरुमा सहि समय,मिति र स्थानमा उपस्थिति को लागि तामाङ बौद्ध महासंघ मलेसिया हार्दिक निमन्त्रणा गर्दछ /गर्दछौ ।

तामाङ बौद्ध महासंघ मलेसिया

Read More

बौद्ध धर्म प्रबचन तथा बौद्ध दर्शन

उपरोक्त सम्बन्धमा यहि आउने 14 मे 2016 सनिवार
तामाङ बौद्ध महासंघ नेपालका अध्यक्ष तथा क्याब्जे खेन रिम्पोछे गेशे ङिमा तामाङ ज्युको प्रमुख उपस्थितिमा बौद्ध धर्म प्रबचन तथा दर्शन बारे प्रबचन हुने भएको हुँदा अमेरिका भरी छरिएर बस्नु भएका सम्पुर्ण तामाङ,शेर्पा,गुरुङ,थकाली,नेवार,मगर आदिवासी जनजाति लगायत बौद्ध धर्मावलम्बी नेपाली तथा गैर बौद्ध धर्मावलम्बी  नेपाली दाज्युभाई,दिदिबहिनीहरुमा निम्न मिति र स्थानमा उपस्थिति जनाइदिनु हुना तामाङ बौद्ध महासंघ मलेसिया बाट हार्दिक अनुरोध गर्दछौ/ गर्दछ ।

ल्हास्सो थुजेछे ।

स्थान:- हिमालयन याक रेस्टुरेन्ट
समय:- दिउँसो ०१:०० बजे
मिति:- 14 मे 2016 ==> सनिवार

Organized by:
Himalayan Buddhist Community Nepal In USA

तामाङ बौद्ध महासंघ मलेसिया !!!

Read More

सन १८९७ जर्मन पत्रीका Beilage Zur Allgemeinen Zeitung मा बुद्धको जन्मभुमी नेपालको लुम्बिनी भनेर लेखेको छ ।

Beilage Zur Allgemeinen Zeitung.

सन १८९७ को एक जर्मन पत्रीकामा जहाँ बुद्धको जन्मभुमि नेपालको लुम्बिनी भनेर लेखेको छ।
सन १७९८ देखि नियमित प्रकाशित हुँदै आएको उक्त पत्रीकामा लेखक कुर्ट क्लेमले 'क्युनिक अशोका' अर्थात 'राजा अशोका' शिर्षकमा सम्राट अशोक र गौतम बुद्धका बारेमा लेखेको छ।
क्लेमले उक्त लेखमा सम्राट अशोक लाई प्रगतिशील समयका सामाजिक सुधारक भनेका छन। उनले अशोक स्तम्भमा गौतम बुद्ध कपिलवस्तुको लुम्बिनीमा जन्मिएको भनेर लेखेको छन। सम्भवत: यस बुद्धको जन्मस्थानको बिषयमा किटान गरिएको सबैभन्दा पुरानो पत्रीका र पहिलो प्रीन्ट पत्रीका मानिन्छ।

सो लेख ८ पृष्ठको रहेको छ । सम्राट अशोकलाई केन्द्रमा राखेर लेखिएको उक्त लेखमा प्रस्टसँग बुद्धको जन्मस्थान नेपालको कपिलवस्तु स्थित लुम्बिनीमा रहेको तथ्य उल्लेख गरेको छ।

भारतमा व्रिटिश शासनकालको समयमा इष्ट ईन्डिया कम्पनीका प्रमुख स्मिथले जर्मनीका पुरातत्त्ववित आन्टोन फ्युररलाई नेपाल सरकारको अनुमानिमा लुम्बिनीको अध्ययन-उत्खननका लागि चाँजोपाँजो मिलाइदिएका थिए । सन १८९६मा फ्युररले थालेको उत्खनन कार्यमा नेपाल सरकारका तर्फबाट खड्गशमशेर राणा खटिएका थिए।त्यो कुरा आल्गेमाइनन चाइटुङ्को लेखमा उल्लेख छ । त्यसमा सम्राट अशोकले आफ्नो कार्यकालमा गौतम बुद्धको ऐतिहासिकता उत्खनन कार्यमा गरेको महत्त्वपूर्ण प्रयासहरुको विवरण र सम्राट अशोकको जिबनी समेटिएको छ। सम्राट अशोकले आफ्नो शासनकालमा अशोक स्तम्भ मात्रै गाडेनन,पाँच-पाँच बर्षमा आफुले गाडेको स्तम्भ र निर्माण गरेका स्तुपहरुको अवलोकन गर्ने थितिसमेत बसालेका थिए।

सम्राट अशोकले बुद्धको अस्तुधातुलाई ८४ हजार टुक्रा बनाएर नेपाल र भारतका विभिन्न भागमा पुर्‍याएका थिए। त्यति नै संख्यामा स्तुपाहरु निर्माण गर्न लगाएका थिए। त्यसैगरी उनले गौतम बुद्ध जन्मेको,देहत्याग गरेको र ज्ञान प्राप्त गरेको सबै ठाँउको पहिचान गर्नका साथै बुद्धको प्रचारप्रसार समेत गरे। सम्राट अशोकले यति नगरेको भए आज बुद्धको जन्मस्थानका रूपमा न लुम्बिनीले मान्यता पाउथ्यो,न बुद्धको जिवनीका बारेमा नै सहि तथ्य थाहा हुन्थ्यो।
उक्त उत्खननपछि फ्युररले एन्टिक्युटी अफ नेपालिज तराई नामक पुस्तक पनि लेखेका छन। उनले त्यस पुस्तकमा पनि गौतम बुद्ध नेपालको लुम्बिनी कपिलवस्तुमा जन्मिएका हुन भनेर किटान गरेका छन।भारत स्वतन्त्र भएपछी उक्त किताबका कैयन संस्करण हरु भारतबाटै प्रकाशित भएको समेत तथ्य छ ।
बुद्धको जन्मस्थानका विषयमा यतिका धेरै ऐतिहासिक प्रमाण र कुनै समय भारतले समेत स्वीकार गरेको विषयमा अहिले बुद्ध भारतमै जन्मेको भनेर हल्ला फैलाउनुको कुनै तुक छैन।

( श्रोत कान्तिपुर नेपालको धेरै बर्ष पुरानो प्रीन्टमा प्रकाशित समाचार )

Read More

कोष तामाङ ले हिउँ त झर्ने हिमली भेगको अडियो,भिडियो सहित 21 मे 2016 मलेसियामा बिमोचन गर्दै

          कोष बम्जन तामाङ ।

गीति एल्बम kosh bamjan back again with Tamang Flavour.अडियो भिडियो आउँदै गरेको २५६० औं बुद्ध जयन्तीको अबसर परेर तामाङ बौद्ध महासंघ मलेसिया को संयोजकमा क्वालालम्पुर स्थित कोतारायाको Hotel 5 Eleven मा बिमोचन गर्ने जानकारी गायक कोष तामाङ ले जानकारी गराउनु भएको छ।

विभिन्न च्यानल टिभी मार्फत सर्बजनिक गर्ने अन्तिम तयारीमा पुगेको बताउनु भएको छ।
जसमा टुडे टिभी डिस होम,हिमालयन टिभी,नेपाल वान टिभी,अरनिको टिभी,कष्टमण्डप टिभी,कान्तिपुर टिभी,इमेज टिभी,सगरमाथा टिभी च्यानल नेपाल र विभिन्न FM Stations हरुमा यस अघि नै ल्याइसकेको छ।
Video निर्देशन तथा क्यामेरा मा प्रेम लामा ले गर्नु भएको छ भने। मोडलमा सन्दीप स्याङ्तन र सिर्जना गुरुङ ले अभिनय गरेका छन।
जसमा शब्द भरत ग्लान र संगीत आर.बि. लामा र कोष तामाङ को रहेको छ।
स्वरमा कोष तामाङ र दिपा लामाको सुन्न पाउनु हुनेछ भने एरेन्जर मा कर्सङ लामा ले गरेका छन।

तामाङ बौद्ध महासंघ मलेसिया परिवार !!!

Read More

परम पुज्यनिय टुल्कु लोसाङ नाम्ग्याल रिम्पोछे ज्यु को छोटो जिवनी

          बौद्ध जागरण केन्द्र

Copyright :-
बिक्रम सम्बत २०२६ बैशाख २७ गते ओखलढुंगा जिल्ला रानिबन गा.बि.स. वडा नं: ४ को विकट गाउँ मोहरिया मा लोसाङ नाम्ग्याल रिन्पोछे (नाम्ग्याल तामाङ) ज्युको जन्म बुबा दल बहादुर पाख्रीन र आमा मनमाया तामाङको कोखमा भएको हो।

वहाँको पुर्व जन्ममा स्वायम्भुको पुरानो घ्याङ गुठी एवं डुपखाङ छ्योएलिङ गुम्बाका प्रमुख लामा हुनुहुन्थ्यो त्यस बेला महासिद्धी योगि माइला काजी तामाङको नामबाट प्रख्यात हुनुहुन्थ्यो ।भने वहाँको वास्तविक नाउँ श्री दुर्गा बहादुर लामा (रुम्बा)थियो। वहाँको बुबा चक्र बहादुर लामा (रुम्बा) र आमा सुकरानी लामा हुनुहुन्थ्यो ।

अवतारी कै अनुसार पुर्व जन्ममा ४२ बर्षकै अल्पायुमा देहान्त भएपछि आफ्नो गन्तव्य तर्फ लाग्ने क्रममा रामेछाप जिल्लाको ल्याङ ल्याङ बेतिनी गाउँ स्थित एक नेवारी परिवारमा गर्भ बसि जन्म भएको ६ महिना पछि पास्नी (खाना खुवाउने) बेलामा आफ्नो पुर्व जन्म र भविष्यको बिसयमा पुर्ण होस खुले पश्चात छोटो समय भित्र नै देहान्त हुनु भएको थियो । त्यस पछि हालको ओखलढुंगा जिल्लाको मिहरिया गाउँमा पुनः जन्म लिनु भएको कुराका बृत्तान्त वहाँ बोल्न थाल्नु भएको उमेरमा बताउनु भयो।

-सन १९७५ मा प्रथम पटक ओखलढुंगाबाट काठमाडौं आउनु भएर पुर्व जन्मको कुराहरु खुलाउनु भयो। जसमा आफ्नो ग्योन्पा,घर परिवार र सम्पुर्ण सर सामानहरुको पहिचान गर्नु भो।

-सन १९७६ मार्च महिनाको १०तारिखमा काङिङ सेडुरपलिङ गुम्बा बौद्धमा वाङ दिन सिक्किमबाट पाल्नुभएको १६ ग्याल्वा कर्मापा द्वारा अवतारीलाई पुर्व जन्मको रूपमा स्वायम्भु गुम्बाको प्रमुख लामा माईला काजिको अवतारी भएको हो भनी,कर्मा नाम्ग्याल ग्युर्मे दोर्जे नाम दिएर प्रमाणित गरिदिनु भयो।

-सन १९७६ भन्ते भिक्षु संगमद्वारा मैत्री बिहार गुम्बा स्वायम्भुमा बौद्ध धर्म को अध्ययन शुरु गर्नु भयो।
-सन १९७८ मा सेर्कोड छेन्श्याब रिन्पोछे ज्युबाट श्रमाणेर शिल ग्रहण गर्नु भइ थुप्तेन साम्तेन नाम प्राप्त गर्नु भयो।

-सन १९८० मा कपन पाल होक्से झ्याङ्छुप छ्योइलिङ दाछ्ङमा बौद्ध शिक्षा प्राप्त गर्नको निम्ति प्रवेश गर्नु भयो,जहाँ वहाँले गुरु क्याब्जे लामा थुप्तेन गेशे ज्युबाट आवश्यक ज्ञान लिएर लोसाङ नाम्ग्याल रिन्पोछे नाउँ पाउनु भयो।

-पछि क्याब्जे लामा थुप्तेन शोपा रिन्पोछे र गेशे ल्हुनडुब क्याब्जे खेन रिन्पोछे ज्युबाट बौद्ध ज्ञान,बिधि सबै प्राप्त गर्नु भयो।

सन १९९३ देखि क्यान्जे लामा थुप्तेन शोपा रिन्पोछे ज्युको अगुवाइमा थुप्रै रास्ट्रहरु भ्रमण ए थप बौद्ध शिक्षा अध्ययन गर्नु भयो अनि खेन्पोहरु लामाहरु र टुल्कुहरु सँग मिलेर थुप्रै ठाँउ र देशहरुको भ्रमणगरि बौद्ध शिक्षाको प्रचारको लागि धेरै कार्यहरु गर्नु भयो।

-२००३ मा ग्याल्वाङ तेन्जिङ ग्याछो ज्यु बाट पुन भिक्षु शिल (गुरुयोग) ग्रहण गर्नु भयो। १६औं ग्याल्वा कर्मापा,क्याब्जे कर्मा कुटिन,क्याब्जे किर्ते छेन्श्याप रिन्पोछे,लामा कुन्जोक,लामा थुप्तेन शोपा रिन्पोछे,क्याब्जे खेन रिन्पोछे गेशे लुण्डुप रिग्सल,क्याब्जे देन्मा लोछोए रिन्पोछे (धर्मशाला) क्याब्जे गेशे सेङ्गे (मंगोलिया बाट) क्याब्जे सेर्मे खेन्छु ढाक्पा रिन्पोछे,डिल्गो खेन्चे रिन्पोछे,क्याब्जे च्योप्के ठ्रीचेन रिन्पोछे,क्याब्जे शाक्य गोङमा रिन्पोछे,क्याब्जे झ्याङ्छे लोसाङ टुल्कु रिन्पोछे,लगायत थुप्रै धर्म गुरुहरुबाट वाङ,लुङ,ठि लिएर बौद्ध धर्म र दर्शन सम्बन्धि अभिषेक,गोप्य निधि,तन्त्र,मन्त्र,लगायत सम्पुर्ण शिक्षा ग्रहण गर्नु भएको थियो।

-सन २०१० फेब्रुअरी ८ मा सेचेन राप्ज्याम रिन्पोछे ( सेचेन गुम्बा)ज्युको प्रमुख अतिथिमा जोरपाटी वडा नं: ३ नयाँ बस्तीको छ्योर्तेन टासी तामाङ गुम्बामा ठिदोन ( गद्दी आरोहण) सम्पन्न गरियो।

सन २०१० अगस्ट ५ तारीखमा १४औं (दलाई लामा ) परम पुज्य ग्याल्वाङ तेन्जिङ ग्याछो ज्युबाट पुनः स्वायम्भुको पुरानो घ्याङ गुठी एबं डुपखाङ छ्योएलिङ गुम्बाका प्रमुख लामा महासिद्धी योगि माइला काजी तामाङको पुनर्जन्म हो भन्ने प्रमाणित आधिकारिक पत्र प्रदान गर्नु भयो। लोब्साङ नाम्ग्याल रिन्पोछे ज्युलाई आधिकारिक रूपमा प्रमाणित गरिदिनु भयो।

सन २०१० अगस्ट ११ तारीख देखि हङकङ स्थित पद्म सम्भब च्यारिटी फाउन्डेसन नामक गुम्बाको प्रमुख संरक्षक रहनु भएको।

सन १९१० अगस्ट १८ तारीखमा धर्मिक बिधि र निति अनुसार खेन रिन्पोछे लुण्डुप रिक्सल ज्यु को प्रमुख आथिथ्यमा विशेष समारोह बिच काठमाडौंको कपन गुम्बामा ठिदोन कार्यक्रम सम्पन्न भयो।

-सन १९१८ मा विशेष तामाङ समाज र हिमालि बौद्ध धर्मावलम्बीहरुको लागि बौद्ध शिक्षा र समाजसेवाको काॠलाई अघि बढाउन काठमाडौंमा बौद्ध जागरण केन्द्रको।स्थापमा गर्नु भयो। यसै संस्था मार्फत बौद्ध धर्म सम्बन्धि धर्म प्रबचन,सेमिनार,गोष्टि,प्रशिक्षण र भेलाहरु गराइ मानव लगायत सम्पुर्ण प्राणी जगतको कल्याणको निम्ति ठूलो योगदान पुर्‍याउने कममा कार्यरत हुनुहुन्छ।
-त्यसैगरी नाम्गेल झ्याङ्छुप छोइलिङ मार्फत भबिस्यमा सम्पुर्ण समुदायको लागि स्कुल ध्यान केन्द्र बृद्धश्रम अस्पताल आदि निर्माण गरि मानव कल्याण र बिश्व शान्तिको कार्यलाई अघि बढाउने सोच राख्नु भएको छ ।

-कर्म वाङ्गेल लामा
महासचिव (बौद्ध जागरण केन्द्र काठमाडौं )


तामाङ बौद्ध महासंघ मलेसिया
सोनाम नोर्बु तामाङ:-

Read More

मृगौला पिडित टाशी लामालाई सहयोगको अपिल

काठमाडौं । बारा निजगढ नगरपालिका–७ औतारटोल स्थाई घर भएका ६ वर्षीय टासी लामाको उपचारको लागि नेपाली दयालु मनसँग सहयोगको अपिल गरिएको छ । सहयोग गर्न अपिल गरिएको छ । किडुनीमा ट्युमर भई दिल्ली स्थित राजिव गान्धी हस्पिटलमा उपचार गराईरहेका नवराज लामाका ६ वर्षीय छोरा उनको उपचारको लागि आर्थिक सहयोग गर्न अपिल गरिएको हो ।

उनको स्वस्थ्य स्थिती सुधारोन्मुख भएको भएपनि उपचारको लागि थप सहयोग पर्ने भएकोले सहयोगको अपिल गरिएको पीडितका बुवा लामाले जानकारी दिए । उपचारमा आर्थिक अभाव भएकाले देश विदेशमा रहेका नेपाली सहयोगी मनहरुलाई सहयोगको अपिल गरिएको हो । निजगढस्थित होली एन्जल्स हाईयर ई. बो. स्कुलमा कक्षा २ मा अध्ययनरत टासीको उपचारको लागि करिब १५ लाख खर्च आग्ने अनुमान गरिएको छ । 

बालकको उपचारका लागि सहयोग गर्न तपाईहरुले सिधै उनका बुवा नवराज लामाको नेपाल इन्भेष्टमेन्ट बैंक लिमिटेडमा रहेको खाता न. ००१०१०९०२५१०१३ रकम जम्मा गर्न सक्नु हुने छ । त्यसै गरि स्थानिय समाजसेवी पेमासिद्धी लामा ९८५५०४५१९० र टासी लामाका पिता नवराज लामाको भारतीय नम्वर ००९१९७१७६१७२७१ मा सम्पर्क गर्न सकिने छ।

मेडिकल रिपोर्ट

Read More

परम पुज्यनिय टुल्कु लोसाङ नाम्गेल रिन्पोछे ज्यु को ४७औं जन्मोत्सव

Karma w. Lama Tamang

Copyright:-
आज परम पुज्यनिय टुल्कु लोसाङ नाम्गेल रिन्पोछे ज्युको ४७ औं जन्मोत्सव बिशेष कार्यक्रमका साथ सम्पन्न भयो।रिम्पोछे ज्युको समिपमा रहेर उहाँको जन्मदिन मनाउनु पाउदा अतिनै खुशी लागेको छ भने यो पाली छ्योर्ते टाशी तामाङ गुम्बा र बौद्ध जागरण केन्द्रले संयुक्त रूपमा र विभिन्न संस्था,ब्याक्तित्व,धर्म सदस्य,शुभचिन्तकहरुको उपस्थितिमा भब्यरुपमा कार्यक्रम सम्पन्न भयो।


तामाङ बौद्ध महासंघ मलेसिया
सोनाम नोर्बु तामाङ:-

Read More